ಬಾಸೆಲ್ ಮಿಶನ್
ಬಾಸೆಲ್ ಮಿಶನ್ ಪನ್ಪಿನವು ಜರ್ಮನಿದ ಸ್ವಿಜರ್ಲೆಂಡ್ಡ್ ಪುಟ್ಟಿನ ಒಂಜಿ ಸಂಸ್ಥೆ. ಈ ಸಂಸ್ಥೆ ಪ್ರೊಟೆಸ್ಟಂಟ್ ಕ್ರಸ್ತ ಧರ್ಮೊನು ಪ್ರಚಾರ ಮಲ್ಪು ಸಂಸ್ಥೆ. ಈ ಸಂಸ್ಥೆದಕುಲು 1834ಟ್ಟ್ ಭಾರತೊಗುಲಾ ಬತ್ತಿತ್ತ್ತೆರ್. ಮೊಗುಲು ಕುಡ್ಟಗ್ 1834ಟ್ಟ್ ಬತ್ದ್ ತನ್ಕುಲೆ ಕೇಂದ್ರೊನು ಸುರು ಮಲ್ತ್ತೆರ್. ಆಗಲು ಇಡೆಗ್ ಬತ್ತಿನ ಮೂಲ ಉದ್ದೇಶ ಕ್ರೈಸ್ತ ಮತ ಪ್ರಚಾರ ಅಂಡಲಾ ತುಳು ನಾಡ್ಡ್ ಬರವು, ಬೇಲೆ ಇಂಚಿತ್ತಿ ವ್ಯವಸ್ಥೆಲು ಇಜ್ಜಾಂದಿನೆಡ್ದ್ ಕ್ರೈಸ್ತ ಮತ ಪ್ರಚಾರದ ಒಟ್ಟುಗು ಜನ ಸೇವೆ ಮಲ್ತ್ದ್ ತನ್ಕುಲೆ ಪುದರ್ನ್ ತುಳುನಾಡ್ದ ಚರಿತ್ರೆಡೇ ಸೇರಾವುನಂಚಿ ಬೇಲೆ ಮಲ್ತೆರ್. 1836 ತುಳು ನಾಡ್ಡ್ ಪ್ರಾಥಮಿಕ ಶಾಲೆ, 1838, ಇಂಗ್ಲಿಷ್ ಶಾಲೆ, 1841 ಆಚ್ಚಿದ ಇಲ್ಲ್ (ಪ್ರೆಸ್) 1841 ಸುರುತ್ತ ಕನ್ನಡ ಪತ್ರಿಕೆ ಮಂಗಳೂರು ಸಮಾಚಾರ ಪ್ರಕಟ, ದಾಸರ ಪದಗಳು, ಚೆನ್ನಬಸವ ಪುರಾಣ, ಕನಕದಾಸರ ಹರಿಭಕ್ತಿ ಸಾರ, ಕನ್ನಡ ಗಾದೆಗಳು, ಬಸವಪುರಾಣ, ಜೈಮಿನಿ ಭಾರತ ಇಂಚಿತ್ತಿ ಕೃತಿಕ್ಕುಲುಲ ಕಲ್ಲಚ್ಚು ಮುದ್ರಣೊಡು 173 ವರ್ಷದ ಪಿರವುಡು ಕುಡ್ಲಡಿತ್ತಿ ಬಾಸೆಲ್ ಮಿಶನ್ ಪ್ರೆಸ್ಡ್ ಅಂಡ್. 1855 ನೇಯಿಗೆ ಕಾರ್ಖನೆ, 1865 ಓಡುದ ಕಾರ್ಖಾನೆ, ಸುರುತ್ತ ತುಳು ವ್ಯಾಕರಣ, ತುಳು ನಿಘಂಟು, ಉಮದು ಮಾತಾ ಪ್ರಕಟ ಅಯಿನಿ ಉಂದುವೇ ಪ್ರೆಸ್ಡ್ ಅತ್ಂಡ್. ಕುಡ್ಲ ಕೇಂದ್ರೊಡು ಸುರು ಅಯಿನ ಬೇಲೆ ದುಂಬರಿತ್ದ್ ಉಡುಪಿ ಕಾರವಾರ ಮುಟ್ಟ, ಕೊಡಗು, ಹುಬ್ಬಳ್ಳಿ, ದಾರವಾಡ, ಬೀದರ್, ಗದಗ, ಕೇರಳ, ನೀಲಗಿರಿ,ಮಲಬಾರ್. ಇಂಚ ಮಾತಾ ಕಡೆಟ್ಟ್ ಅಂಡ್. ಇನಿಗ್ಲಾ ಬಾಸೆಲ್ ಮಿಶನ್ ಪ್ರಾರಂಭ ಮಲ್ತಿನ ಬೇಲುಲು ದುಂಬರಿಯೊಂದುಮಡು. ಇತ್ತೆ ದಕ್ಷಿಣ ಭಾರತ ಸಭೆ ಪನ್ಪಿ ಪುದರ್ಡ್ ಉಂದು ಮಾತಾ ನಡತೊಂದುಂಡು. ತುಳು ನಾಡ್ಡ್ಗ್ ಬಾಸೆಲ್ ಮಿಶನ್ ಕೇಂದ್ರ ಕಚೇರಿ ಇತ್ತಿ ಕುಡ್ಲದ ಬಲ್ಮಟ ಪನ್ಪಿ ಜಾಗೆಡ್ ಇತ್ತೆ ಶಾಂತಿ ದೇವಾಲಯೊ, ಹೆಬಿಕ್ ತಾಂತ್ರಿಕ ತರಬೇತಿ ಕೇಂದ್ರ, ದೈವಜ್ಞಾನ ವಿದ್ಯಾಪೀಠ, ಪ್ರೆಸ್, ಪೊಲಿಗೆ ಕೇಂಧ್ರ, ಪ್ರಾಥಮಿಕ ಶಾಲೆ ಉಂದು ಮಾತ್ರ ಆತ್ತಂದೆ ಬಾಸೆಲ್ ಮಿಶನ್ ಚರಿತ್ರೆನ್ ತೆರಿಪಾವುನ ಚರಿತ್ರೆ ಉಪ್ಪುನ ಪತ್ರಾಗಾರಲಾ ಉಂಡು. ಆತ್ತಂದೆ ತುಳುನಾಡ್ಡ್ ಆಗುಲೇ ಸುರು ಮಲ್ತಿನ 30 ಶಾಲೆಲು 3 ಜೋಕುಲೆ ಅಶ್ರಂ, ಒಂಜಿ ಅಸ್ಪತ್ರೆ ನಡತೊಂದುಂಡು.